ബെംഗളൂരു : നമ്മ മെട്രോ ഒന്നാംഘട്ടത്തിൽ പൂർണതോതിൽ സർവീസ് തുടങ്ങിയതിനു ശേഷം ബെംഗളൂരു മെട്രോ റെയിൽ കോർപറേഷന്റെ (ബിഎംആർസിഎൽ) വരുമാനത്തിൽ കുതിച്ചുചാട്ടം. 42.3 കിലോമീറ്ററിൽ മെട്രോട്രെയിൻ ഓടിത്തുടങ്ങിയ ജൂൺ മുതൽ ഈ മാസം വരെ 175 കോടി രൂപയാണു ടിക്കറ്റിനത്തിൽ ലഭിച്ചത്. 2016–17 സാമ്പത്തിക വർഷത്തെ ആകെ വരുമാനം 110 കോടി രൂപയായിരുന്നു. ഇതിൽനിന്നാണു മാസം ശരാശരി 26 കോടി രൂപയിലേക്കു വരുമാനം കുതിച്ചുയർന്നത്.
ബിഎംആർസിഎൽ ലാഭത്തിലേക്ക് എത്തിയിട്ടില്ലെങ്കിലും ഒന്നാം ഘട്ടം പൂർത്തിയായതോടെ വരുമാനനഷ്ടത്തിൽ കുറവുണ്ടായിട്ടുണ്ടെന്നു പിആർഒ യു.എ. വസന്തറാവു പറഞ്ഞു. ലാഭത്തിലേക്കു ചുവടുവച്ചുകൊണ്ടിരിക്കുകയാണ്. ഒരു വർഷത്തിനകം സംസ്ഥാന സർക്കാരിന്റെ സഹായമില്ലാതെ ബിഎംആർസിഎല്ലിനു സ്വയം പര്യാപ്തത കൈവരിക്കാനാകും. ഇപ്പോൾ ദിവസേന മൂന്നരലക്ഷത്തോളം പേരാണ് മെട്രോയിൽ യാത്ര ചെയ്യുന്നത്.
ഒക്ടോബർ 23ന് 3.7 ലക്ഷം പേർ യാത്ര ചെയ്തതാണ് റെക്കോർഡ്. ദിവസേന മുപ്പതിനായിരം പേരെത്തുന്ന മജസ്റ്റിക് കെംപഗൗഡ ഇന്റർചേഞ്ച് ആണ് ഏറ്റവും തിരക്കേറിയ മെട്രോ സ്റ്റേഷൻ. അടുത്ത വർഷം ആറു കോച്ചുകളുള്ള ട്രെയിൻ എത്തുന്നതോടെ യാത്രക്കാരുടെ എണ്ണം കൂടുമെന്നാണു ബിഎംആർസിഎലിന്റെ കണക്കുകൂട്ടൽ.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
